كيكة السميد بالتوفي

كيكة السميد بالتوفي

المقادير :

( مع العلم هالمقادير لصينيه صغيرة مره اللي يبي يسويها بوسط يضاعف الكميه)

- كاس سميد
- كاس حليب بودره
- ربع كاس جوز الهند
- علبة قطشه
- بيضه
- ثلاث أرباع كاس زيت
- نص كاس سكر
- ملعقه ونص صغيرة بكنج باودر

والتوفي :

نص كاس سكر + نص اصبع زبده + قشطه

الطريقة :

نحمس السميد مع الحليب حمس خفيف وإذا تبون لونها يصير بني حمسوه أكثر بس مو تحرقونه

ونخلط بالخلاط ويفضل خلاط الكيك :

( القطشة , جوز الهند , السكر , البكنج باودر , الزيت . البيضه )

وإذا انخلط كويس نصب الخليط على السميد والحليب المحوس ونعجنهم مع بعض كويس

وبعدين ندهن الصينيه بالزيت ونصب الخليط وبيكون الخليط جامد وثقيل لاتخافون ترى صح

اذا صبيتون الخليط بالصينيه علشان يطلع شكل الخليط مرتب ومتوزع بكيمه متساويه

بللي ملعقه بالزيت بكميه بسيطه جداً وطبطبي على الخليط وهو بالصينيه وبيطلع مرتب

وبعدين ندخلها الفرن حتى تنضج

ونجهز التوفي علشان نصبه على الكيكه إذا استوت

ونصيحه لا وحده تسوي التوفي قبل لا تتأكد أنها ضبطت الكيكه علشان لاتخسره ::

وطبعاً نصب التوفي على الكيكه وننتظر تبرد ونقطعها وبالعافية

وهاذي صورة قطعه منها